Нэхмэл, хатгамал, будгийн уламжлалт технологитой Гүйжөү мужийн Рүнжян шангийн Үжигийн мяо үндэстний тосгоны мяо үндэстний эмэгтэйчүүд нэгдэж хатгамлын хоршоо байгуулжээ. Тэд цаг үеэсээ хоцорч хэрэггүйд тооцогдох болсон хуучны уламжлалт гар урлалыг эрхэлснээрээ гэр бүлийнхээ орлогыг нэмэгдүүлж, тосгоныхоо эдийн засаг сэргээж чадсан байна.
Лэйгүншань уулын гүн дэх мяо үндэстний тосгон нь “Хятадын соёл урлагийн нутаг”, “Гүйжөүгийн өмнөд хэсгийн Мяо үндэстний хатгамал, будгийн биет бус соёлын өвийн үйлдвэрлэлийг хамгаалах үлгэр жишээ бааз” юм.
Үүний дотор мяо үндэстний хатгамал, будаг, шувууны сийлбэртэй хувцас зэрэг ардын уламжлалт урын өв нь үндэсний болон мужийн зэрэглэлийн биет бус соёлын өвийн жагсаалтад багтсан. Үжигийн мяо үндэстний эмэгтэйчүүд уламжлалт хатгамал, будаг, цаасан хайчилбарыг бүгд хийж чаддаг бөгөөд цаашилбал зарим эрэгтэйчүүд ч энэхүү урлалыг сайтар эзэмшжээ.
Уг уламжлалаараа сондгойрох мяо үндэстний тосгоны бараг айл өрх бүр жижиг цехтэй, бүтээгдэхүүнийг нь хэрэглэгчид газар дээрээс нь очиж авдаг. Захиалга багатай бол эмэгтэйчүүд өөрсдөө хийж, захиалга ихтэй бол нөхөр нь давхар хамжилцдаг.
Одоогийн байдлаар тосгонд 40-50 эмэгтэй тус ажлыг тогтмол эрхэлж байгаа ба өдөрт нэг хүн дунджаар 100 шахам юанийн орлоготой өнжиж байна. Бүх тосгоноороо бол зөвхөн уламжлалт хатгамал, будгийн ажлаас олох орлого жилд 1 сая гаруй юаньд хүрсэн байна. Ийм төрлийн үйлдвэрлэлийн өртөг бусад нутагт харьцангуй бага хэдий ч Үжи тосгон өөрсдийн гар урлалаараа хол ойрд алдаршсан аж.
Эртний мяо үндэстний хээ угалзад эрвээхий, загас, луу, гарьд болон хийсвэр хээ угалз зонхилдог. Зарим нь мяо үндэстний өдөр тутмын амьдралаас үүдэлтэй бол нөгөө хэсэг нь мяо үндэстний түүх домгоос эхтэй юм. Энэхүү үндэстний эмэгтэйчүүд бага наснаасаа нас дээр гартлаа хатгамлаа хийдэг.
Рүнжян шянь сүүлийн жилүүдэд аялал жуулчлалын зах зээлийн тэлэлтийг дагуулж үндэсний гар урлалын сургалтыг зохион байгуулах болсноор ойр орчмын мяочуудын тосгоны иргэдэд энэхүү өвийг түгээн дэлгэрүүлдэг гол газар болжээ. Ийнхүү уламжлалт өвийг орчин үеийн технологитой уялдуулсан байдлаар нутгийн онцлогтой соёлын аж ахуйг өргөтгөснөөр олон хүн ажлын байртай болж орлогоо нэмэгдүүлж байгааийн зэрэгцээ хөдөө тосгонд хөгжил цэцэглэлтийг авчирч байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
