Алтайн залуу бизнес эрхлэгчдийн “БИЗНЕС ӨДӨРЛӨГ” болно

Б.Шүрэнцэцэг I Төр.мн

2022-08-31

Говь-Алтай аймгийн 100 гаруй залуу бизнес эрхлэгчид нэг дор цуглан харилцан бизнесийн туршлагаа хуваалцан, Алтай нутгийнхаа хөгжилд бизнес эрхлэгч нар хэрхэн бодит хувь нэмэр оруулах талаар санал солилцож байлаа. Өнгөрсөн хавар Улаанбаатар хот дахь Говь-Алтай аймгийн МЗХ-ноос зохион байгуулсан дээрх “Хязгаараа тэл” бизнес эрхлэгчдийн форумаар Алтайн гаралтай залуусыг нэгтгэж чадсан юм.

Тэгвэл тус форумын үргэлжлэл болгож “БИЗНЕС ӨДӨРЛӨГ”-ийг зохион байгуулахаар төлөвлөжээ.

Энэ талаар Улаанбаатар хот дахь Говь-Алтай аймгийн МЗХ-ны ээлжит хурлаар мэдээллээ. Уг хурлаар /2022.08.30/ хэд хэдэн асуудал хэлэлцэж, санал солилцсоны нэг нь дээрх өдөрлөгийн үйл ажиллагаа байлаа. Хуралд МЗХ-ны Удирдах зөвлөлийн гишүүн Н.Амартүвшин, Улаанбаатар хот дахь Говь-Алтай аймгийн МЗХ-ны тэргүүн Д.Нармандах нар болон тус холбооны тэргүүлэгч гишүүд оролцлоо.

Тус өдөрлөгт “Хязгаараа тэл” бизнес форумд нэгдсэн бизнес эрхлэгч нар өөрсдийн брэнд бүтээгдэхүүн, үйлчилгээгээ танилцуулж, урамшуулал зарлаж, хөнгөлөлт олгохоос гадна бусдадаа өөрсдийн бизнесээрээ “туслах” аж.

Энэ бол залуучууд нэгнийхээ бизнесийг бодиттойгоор дэмжиж буйн илрэл бөгөөд олон нийтэд сурталчлах, борлуулалтын орлогыг нь өсгөхөд дэм болж буй үйл ажиллагаа юм. Мөн энэ үеэр ажлын байрны өдөрлөгийг хамтад нь зохион байгуулахаар төлөвлөсөн байна.

Залуучууд энэ намар бүтээлч томоохон ажил өрнүүлэхээс гадна Монголын Залуучуудын Баруун бүсийн чуулганд оролцох юм.

Монголын залуучуудын холбоо эх орон даяар бүсчилсэн чуулганыг зохион байгуулж буй бөгөөд Говь-Алтай, Завхан, Увс, Ховд, Баян-Өлгий аймгийн 500 орчим залуусыг нэгтгэсэн Баруун бүсийн чуулганыг зохион байгуулахаар төлөвлөөд байгаа юм.

Төр.мн

Нийт сэтгэгдэл 10

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Билгээ - 3 жил өмнө

хариулах

Ёстой юм зохион байгуулж сурсан залуучууд байна лээ амжилт хүсье. Арга хэмжээнүүдэд нь цаг заваараа оролцож байнаа..

Баттулга - 3 жил өмнө

хариулах

"Хязгаараа тэл" арга хэмжээ үнэхээр сайхан арга хэмжээ болсон. Үргэлжлүүлэн хийж байгаа энэ удаагийн арга хэмжээ сайхан болно гэдэгт итгэлтэй байна. Оролцоноо..