Монгол улс анх удаагаа Азийн архитекторуудын форум-21 олон улсын чуулга уулзалтыг эх орондоо зохион байгуулж байна. Энэ удаагийн чуулган “Тогтвортой хот байгуулалтын ирээдүй” сэдвийн дор боллоо.
Чуулганаар Барилга хот байгуулалтын сайд Б.Мөнхбаатар илтгэл тавьсан бөгөөд тэрбээр Азийн орнуудын шилдэг архитекторуудын бүтээл, санал, туршлагыг судалж шинэлэг бүтээлүүдтэй танилцаж байгааг онцлов.
Түүнчлэн цаашид Монгол улс архитектурын бүтээлүүддээ үндэсний онцлог, шинжийг шингээж өгөх нь чухал болохыг тэмдэглэв.
Б.Мөнхбаатар: Монгол улс гэлтгүй азийн улсуудад хотжилт эрчимтэй нэмэгдэж байгаа. Тогтвортой хөгжлийн талаар азийн 22 улсын 132 архитекторууд хотжилтын асуудлаар санал бодлоо солилцох мөн Монголын хот байгуулалтын өнөөгийн байдлыг олон орны архитекторт танилцуулж Улаанбаатар хотынхоо тулгамдсан асуудлыг хэрхэн даван туулж байгаа, онгоцны буудал дагасан шинэ хот байгуулж хөгжүүлэхэд чиглэсэн төлөвлөлтийн хэтийн төлөвийг тодорхойлох талаар тэдний зөвлөгөө, зөвлөмжийг сонсон, туршлагаас хуваалцаж байна.
Бас нэг чухал зүйл бол улс хоорондын холбоо хэлхээ тогтоох, үндэсний өвөрмөц онцлогийг суулгаж өгөх хүсэлтэй байгаа” гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
