Уг “Намрын ногоон өдрүүд- үндэсний үйлдвэрлэл-2022” үзэсгэлэн худалдааг аймгийн ЗДТГ, Өлгий сумын ЗДТГ, Хүнс хөдөө аж ахуйн газар, Хөдөлмөр, халамжийн үйлчилгээний газар, Мэргэжил, сургалт үйлдвэрлэлийн төв, Баян-Өлгий аймаг дахь Худалдаа аж үйлдвэрийн танхим болон салбарын төрийн бус байгууллагууд хамтран зохион байгуулж байна.
Тус арга хэмжээг нээж аймгийн ЗДТГ-ын дарга Б.Мухамед үг хэлж, энэхүү үзэсгэлэн худалдааг энэ жил ард иргэдэд илүү ойртуулах, хүртээмжийг нь нэмэгдүүлэх зорилгоор аймгийн төв талбайд зохион байгуулж байгаа бөгөөд орон нутгийн хөрсөнд ургасан эрүүл, чанартай хүнсний ногоог иргэдэд нийлүүлж байгаагаараа онцлог юм. Үндэсний үйлдвэрлэл, аж ахуйн нэгжүүдээ, ногоочдоо дэмжиж, орон нутгийн хөрсөнд ургасан төмс, хүнсний ногоо худалдан авахыг уриалж байна” гэсэн юм.
Орон нутгийн хүнс, газар тариалан, жижиг, дунд үйлдвэрлэл эрхлэгчдийн бараа, бүтээгдэхүүн, ажил үйлчилгээг сурталчлах, борлуулалтыг нэмэгдүүлэх, харилцан туршлага судлуулах зорилготой уг үзэсгэлэн худалдаанд төмс, хүнсний ногоо, жимс-жимсгэнэ, гурил, гурилан бүтээгдэхүүн, цагаан идээ, сүү, сүүн бүтээгдэхүүн үйлдвэрлэл, мах, махан бүтээгдэхүүн, хүнсний бүтээгдэхүүн үйлдвэрлэл, ноос, ноолуур, арьс ширэн бүтээгдэхүүн, мод, модон эдлэл, зөөлөн оёдол, гар урлал зэрэг дэлгэгдэн худалдан борлуулагдаж байна.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
