COVID-19"-ийн шинэ хувилбарын тархалт, манай улсад эмчлүүлж буй хүмүүсийн биеийн байдал, вакцинжуулалтын талаар ХӨСҮТ-өөс мэдээлэл өглөө.
Тандалтын мэдээгээр BF-1 хувилбар нэг хүнд, BQ-1, 2 хувилбараар таван хүн өвчилсөн. Эдгээр хувилбар өмнө нь Монгол Улсад батлагдаагүй байжээ.
ХӨСҮТ-ийн Тандалт эрхэлсэн дэд захирал Ж.Байгалмаа "Дэлхий нийтэд ковидын тоо, нас баралт буурч байгаа. Монгол Улсад ковидын шалтгаант нас баралт бага хувьтай явж ирсэн. Сүүлийн үеийн мэдээллээр нас баралтын индекс нь 0.22 хувьтай байна. Дэлхий нийтэд BF-7 хувилбар 80 орчим улсад, BQ-1 хувилбар дэлхийн 50 улсад бүртгэгдсэн.
Омикроны BA5.1, BA5.2 хувилбар бүртгэгдэж буй тохиолдлуудын 50 орчим хувийг эзэлж байна. Одоогоор BF-7, BQ-1.2 хувилбар нь бага хувьтай илэрч байна” гэсэн юм.
Мөн "Шинээр бүртгэгдсэн омикроны хувилбар халдварлах чадвар өндөр байна. Манай улсад коронавирусын халдвар сүүлийн өдрүүдэд огцом нэмэгдэж буй тул олон нийтийн газарт амны хаалтаа тогтмол зүүх хэрэгтэй.
Үйлдвэр үйлчилгээний газрын ажилчид, таксины жолооч, банкны теллер зэрэг дотор орчинд олон хүнтэй харилцдаг хүмүүс амны хаалтаа тогтмол зүүх шаардлагатай" хэмээн зөвлөлөө.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
