Түгжрэлийг бууруулах үндэсний хорооны дарга, Хот хариуцсан сайд Ж.Сүхбаатар өчигдөр /2022.11.29/ Японы зам гүүрийн инженертэй уулзаж, Улаанбаатар хотын авто замын түгжрэлийг бууруулах тухай санал солилцжээ.
Тэрбээр энэ тухай цахим хуудаснаа "Улаанбаатар хотын гол уулзварууд ямар шалтгаанаар түгжирч буйг судлаад, тооцоолол гаргасан хувийн туршлагаа бидэнтэй хуваалцлаа. Өнгөрсөн жилүүдэд манайд хэрэгжсэн төслүүд дээр ажилласан туршлагатай инженер юм. Улаанбаатар хотын авто замын түгжрэлийн өнөөгийн нөхцөл байдал дээр тулгуурлан, уулзваруудын дахин төлөвлөлтийг хийж, гүүрэн гарцын шинэ шийдэл боловсруулсан байна. Энэ төлөвлөлт хэрэгжвэл өнөөдөр 12 км цагийн хурдтай явж байгаа тээврийн хэрэгсэл 35 км цаг хүртэл хурдлах боломжтой гэсэн тооцооллыг Япон инженер танилцууллаа.
Мөн метроны талаар ч санаа бодлоо хуваалцав. Метро барихдаа хүрвэл нийтийн тээврийн сүлжээтэй маш сайн уялдуулах ёстойг сануулж байлаа. Уулзалтын төгсгөлд мэргэжлийн төлөөллүүдээ оролцуулсан уулзалт ярилцлага хийхээр товлов" гэжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
