ШӨХТГ-аас өнгөрсөн 7 хоногт хэрэгжүүлсэн ажлуудаа танилцууллаа. Тухайлбал, Нийслэлийн Нийтийн тээврийн газарт Улсын ерөнхий байцаагчийн хугацаатай Албан шаардлага хүргүүлжээ.
-Иргэдээс нийтийн тээврийн үйлчилгээтэй холбоотой ирүүлсэн гомдол, мэдээллийн дагуу хяналт шалгалт явуулж, илэрсэн зөрчил дутагдлыг арилгах талаар Улсын ерөнхий байцаагчийн албан шаардлага хүргүүлж, биелэлтийг арванхоёрдугаар сарын 5-ны дотор албан бичгээр ирүүлэхийг мэдэгдлээ.
“Мак цемент” ххк-д 5.4 тэрбум төгрөгийн торгууль ногдууллаа
Өнгөрсөн есдүгээр сарын 26-ны өдөр “МАК Цемент” ХХК-д холбогдох зөрчлийн 2202000296 дугаартай хэрэг нээж зөрчлийн хэрэг бүртгэлтийн ажиллагааг явуулж, давамгай байдалтай аж ахуй эрхлэгч өөрийн давамгай байдлаа хууль бусаар ашиглаж хуулиар хориглосон ноёлох үйл ажиллагаа явуулсан зөрчилд Зөрчлийн тухай хуулийн 10.7 дугаар зүйлийн 9 дэх заалтад зааснаар “МАК Цемент” ХХК-ийн өмнөх жилийн борлуулалтын орлогын 4 хувьтай тэнцэх хэмжээний төгрөгөөр буюу 5.4 тэрбум төгрөгөөр торгох шийтгэл оногдууллаа.
Шүүхээс урьдчилж мэдэгдээгүй гэх үндэслэлээр ШӨХТГ-ын шийдвэрийг хүчингүй болголоо
"Сэнтрал экспресс Си Ви Эс" компанийн CU сүлжээ дэлгүүрийн кассын үнэ, лангууны үнэ зөрүүтэй байгаа зөрчил илэрсэн тул 5 сая төгрөгөөр торгох торгуулийн арга хэмжээ авсныг Захиргааны хэргийн шүүх хяналт шалгалт хийдээ Төрийн хяналт шалгалтын тухай хуулийн дагуу урьдчилж тав хоногийн өмнө мэдэгдэх ёстой байхад шууд очиж шалгасан гэх үндэслэлээр ШӨХТГ-ын шийдвэрийг хүчингүй болголоо. Тиймээс хуулийн хугацаанд Захиргааны Хэргийн Давж Заалдах Шатны Шүүхэд гомдол гаргахаар бэлдсэн байна.
ЗХАШШ-ээс “Скай хайпермаркет” ХХК-ийн нэхэмжлэлийн шаардлагыг бүхэлд нь хэрэгсэхгүй болголоо
ШӨХТГ-аас сүлжээ дэлгүүрүүдэд хийсэн 01/20 дугаартай удирдамжтай хяналт шалгалтаар илэрсэн лангуу, кассын үнэ зөрсөн зөрчилд “Скай хайпермаркет” ХХК-д 5 сая төгрөгийн торгууль оногдуулсан улсын ахлах байцаагчийн 2022 оны наймдугаар сарын 22-ны 0003095 дугаартай шийтгэлийн хуудсыг хүчингүй болгуулах тухай “Скай хайпермаркет” ХХК-ийн нэхэмжлэлийг Нийслэл дэх Захиргааны хэргийн Анхан шатны шүүх хэрэгсэхгүй болгож шийдвэрлэлээ.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
