Газар зохион байгуулалт, геодези зураг зүйн газрын хэлтсийн дарга Ц.Энхбаяр Газрын тухай шинэчилсэн хуулийн талаар мэдээлэл өглөө.
Тэрбээр “Одоо хүчин төгөлдөр мөрдөгдөж байгаа газрын тухай хуульд орон нутгийн тусгай хэрэгцээнд газрыг тусгай хамгаалалтад авах, бичил уурхай эрхлэх, отрын бэлчээр, тэжээлийн сангийн хадлангийн газар, аж үйлдвэрийн парк байгуулах гэх дөрвөн зориулалтаар авахаар заасан. Шинээр оруулж буй газрын ерөнхий хуулийн төсөл дээр орон нутгийн тусгай хэрэгцээнд газрыг авах асуудлыг орхигдуулаагүй.
Тухайлбал, тусгай хамгаалалтад авах гэж заасан нэршлийг нь “Ургамал, амьтан, ус, ойн нөөцөө хамгаалах зориулалтаар” гэж өөрчилсөн.
Усны эх үүсвэр цэвэр усны хамгаалалтын бүсийг орон нутгийн тусгай хэрэгцээнд авахаар заасан. Орон нутгийн иргэдийн хурал аль газраа тусгай хэрэгцээнд авах гэж байгаагаа төлөвлөөд түүнийхээ дагуу иргэдийн хурал тусгай хэрэгцээнд авах эрх нь хэвээр байгааг онцолсон юм.
Түүнчлэн, Газрын тухай хуульд зөвхөн гадаадын болон харьяалалгүй хүн, гадаадын хуулийн этгээд, дипломат төлөөлөгчийн газрыг зөвхөн ашиглуулахаар заасан” гэлээ. Газрыг эзэмшиг асуудал газрын тухай хуулинд зохицуулагдаагүй, газар эзэмших хориотой. Гадаадын иргэнд газар эзэмшүүлэхгүй байхыг газрын хууль төдийгүй үндсэн хуулинд хорьсон.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
