Монгол улсын Ерөнхий сайд Л.Оюун-эрдэнэ өнөөдөр болсон МАН-ы удирдах зөвлөлийн хуралдаанаас гаргасан шийдвэрийг танилцуулах үеэр мэдэгдэл хийхдээ: Оюу толгой, Хөгжлийн банк,Эрдэнэтийн 49 гээд олон асуудлуудтай харьцуулахад нүүрсний талаарх асуудал хамгийн амаргүй нь.Ийм учраас энэ асуудал дээр нэлээдгүй хугацаа шаардагдаж,том цар хүрээнд ажиллах зайлшгүй шаардлага үүснэ. Нүүрсний асуудал дээр Авлигатай Тэмцэх Газар, Цагдаагийн Ерөнхий Газар, Тагнуулын Ерөнхий Газрын хамтарсан ажлын хэсэг гараад ажиллаад явж байгаа.
Засгийн газраас БНХАУ-ын талаас гарсан эдгээр асуудлууд дээр тулгалт хийж байгаа. Нүүрстэй холбогдсон янз бүрийн нарийн мэдээллүүдийг санаатай санаагүйгээр хэвлэлээр тайлбарлах асуудлууд их гарч байна. Өөрөөр хэлбэл энэ асуудлыг юу ч биш болгож өнгөрөөх далд сонирхол нуугдаж байгаа. Өчигдөр жагсагчид нүүрсний асуудал дээр нэлээдгүй анхаарал хандуулж тодорхой хэмжээний шаардлага тавьсан. Нийт ирсэн саналуудын дийлэнх нь нүүрстэй холбоотой асуудлыг эцэслэн шийдвэрлэж хариуцлага тооцох ёстой гэсэн агуулга яригдсан.
Оюу толгой, Хөгжлийн банк, Эрдэнэтийн 49, Дархан төмөрлөгийг шийдэж чадсан шиг Таван Толгойн асуудлыг бид эцэслэн шийдэж чадна. Бүх асуудлууд шалгагдаж байгаа олон нийт эргэлзэх хэрэггүй.
Like
3
Зөв
1
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
