“Нүүрсний хулгай”-н асуудлаар УИХ-ын гишүүн Т.Доржхандаас тодрууллаа. Тэрбээр энэ бол МОНГОЛЫН ТҮҮХЭНД БАЙГААГҮЙ МАШ ТОМ ХУЛГАЙ гэдгийг онцлов.
УИХ-ын гишүүн Т.Доржханд: Хулгайн асуудлыг Засгийн газар дангаараа дийлэхгүй байна. Парламентад байгаа намууд, иргэдийн зүгээс ил тодоор ярилцаж, Парламентаас дэмжлэгийг өгөөд явах ёстой. Гол асуудал гэвэл “Оффтек” гэрээ нууцад орсон. Гэхдээ Засгийн газраас арваннэгдүгээр сард багтаагаад ил болгоно гэсэн ч одоо хүртэл байхгүй.
Миний ойлгосноор гадаа жагсаж байгаа залуус нүүрсний хулгайг эсэргүүцэж, авлига хээл хахуулийг одоо л цэг тавья, цаашдаа Монгол улс авилагагүй хөгжсөн улс байх юм уу? үгүй юу гэдэг дээр нэгдээд байна. Өнөөдөр бид нарт ганц байгаа боломж нь Их хурал дээр хяналтын ерөнхий сонсгол буюу нээлттэй сонсгол явуулж, бүх холбогдогчдыг дуудаж авчрах, ямар хулгайнууд байна гэдгээ ялгаад шийдэх чухал.
Нүүрсний хулгай гээд НЭГ УУТАНД хийчхээд байгаа боловч олон төрлийн хулгай байгаа. Олон төрлийн хулгай хийсэн нөхөд бусад руугаа нүүрсний хулгайг чихээд анхаарлыг нь өөр тийш нь хандуулж байна. Иймээс бүгдэд нь хариуцлага тооцох ёстой.
Хамгийн чухал зүйл нь Монголын түүхэнд байгаагүй маш том хулгай. Хулгайчдын баримтуудыг нь ил болгож байгаад зарлах ёстой. Тэр баримтууд нууцад орсон байна.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
