АТГ-аас нүүрсний “ХУЛГАЙЧ” гэх 17 этгээдийн нэрийг зарласан билээ. Хүн юу гэж л өөрийгөө “Би хулгайч” гэж зарлах вэ дээ. Тэд бүгдээрээ л би биш, би биш гэж сандарцгаан, цахим болон бусад сувгаар дамжуулан МЭДЭГДЭЛ гаргаж байв. Төр.мн тэдгээрийн ЭГДҮҮЦМЭЭР мэдэгдлүүдээс онцолж байгаа билээ.
Энэ удаа онцлох эхний мэдэгдэл Ерөнхийлөгчийн тамгын газрын дарга асан Ө.Шижирийнх.
Тэрбээр “Миний бие Олимпын хорооны урилгаар Катар улсад болж байгаа хөлбөмбөгийн дэлхийн аварга шалгаруулах тэмцээнийг дуустал уригдан ирсэн. Уг урилгыг талархан хүлээн авч очсон хэдий ч улс оронд үүссэн асуудлаас үүдэн хуваарьт ажил, зарим арга хэмжээг цуцлахаас өөр аргагүй байдалд орж байна. Миний бие өнөөг хүртэл нүүрсний салбартай холбоотой ажил эрхэлж байгаагүй тул өөрт холбоотой мэдээлэлд эмзэглэж байгаа ч шаардлагатай гэвэл хууль хүчний байгууллагын мөрдөн шалгах ажиллагаанд дэмжлэг үзүүлж, бүх талаар хамтран ажиллахаа илэрхийлье ээ. Намайг ажиллаж байсан өнгөрсөн хугацаанд бүх зүйлийн өмнө ганцаардаж байсан Ерөнхийлөгчийн Тамгын даргаар 1 жил 3 сар ажиллахдаа гадаад байтугай дотооддоо явахад УОК-оос зөвшөөрөл авдаг, ордны зүүн жигүүрийн гурван давхрын коридор битүү “хяналттай” байсан үе шүү. Нүүрс түлж үзсэнээс нүүрс тээвэрлэж явсангүй” гэв.
Тэгвэл УИХ-ын дарга асан З.Энхболд тун товчхон “Нүүрсний хулгайчаар зарлагджээ. Дуудаж муудахаа болиод ингээд яллачихдаг болсон юм байх даа. Яг юунд буруутгаж байгаа юм бол?” хэмээжээ.
Гуравдугаарт, “Ажнай”-н гэгдэх УИХ-ын гишүүн Д.Бат-Эрдэнэ юм. Түүнийг “ХУЛГАЙ”-н хэрэгт чирэгдсэнтэй холбоотойгоор АН-аас цахим МЭДЭГДЭЛ гаргав. Мэдэгдэлд:
Д.Бат-Эрдэнэ байгаагүй бол…
Гэж бодож үзсэн үү та нар. Өнөөдөр Өмнөговьд ад болоод байгаа Бат-Эрдэнэ байгаагүй бол Өмнөговийн бүх газарлуу хүрз барьсан хужаа нар шиг лицензийн эзэд уурхай байгуулна гээд үсрээд орчих байсан юм. Бат-Эрдэнэ улс төрд бул хар чулуу болоод сууж байдаг учраас улстөрчдийн гар хөл Өмнөговьруу нэвтэрч чаддаггүй юм.
Бат-Эрдэнэ байгаагүй бол өнөөдөр Тавантолгой ХК гэж байхгүй болчихсон байх байлаа. 2006 онд тухайн үеийн Ерөнхий сайд М.Энхболдын танхимын Үйлдвэр худалдааны сайд Б.Жаргалсайхан /Буян/ "Тавантолгой" ХК-ийн лицензийн тэг гол Японы "Дайцүки" ХХК-д үндэслэлгүйгээр лиценз олгох шийдвэр гаргаж байлаа. Энэ хууль бус шийдвэртэй ад болдог Бат-Эрдэнэ зад үзэлцсээр шүүх дээр ялж говьчууддаа алдагдсан лицензийг нь авчирч байлаа. Хэрвээ энэ лиценз Японы "Дайцүки" ХХК-д очсон бол өнөөдөр орон нутгийн өмчит "Тавантолгой" ХК-ийн 74.5 сая тонн нүүрс говьчуудынх биш байх байлаа.
Бат-Эрдэнэ байгаагүй бол Өмнөговьчуудын эрх ашиг хөсөр хаягдах байлаа. Төрийн Ордонд Бат-Эрдэнэ суусан он жилүүдэд Бат-Эрдэнэд хохиролтой, Өмнөговьчуудад ашигтай байдаг" гэсэн байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
