УИХ-ын Байгаль орчин, хүнс, хөдөө аж ахуйн байнгын хорооны хуралдаанаар өвөлжилтийн байдлын талаар Шадар сайд мэдээлэл хийв.
Тэрбээр "Орон нутагт цас их орсон учраас авто замын нөхцөл хүнд байна. Иймээс зарим суманд дунджаар 1500 орчим километр зам гаргасан. Энэ замаар улсын нөөцөөс шатахууны тусламж үзүүлэх бөгөөд цаашид үргэлжилнэ.
Багануурын уурхайн дизель түлш тасалдсан ч гурван вагон түлш хүргүүлсэн. Орон нутгийн онцгой комисстой Онцгой байдлын ерөнхий газар хамтарч ажиллаж байгаа" гэлээ.
Харин ХХААХҮ-ийн сайд Х.Болорчулуун "Үнэ тогтворжуулах хөтөлбөрөөс 130 тэрбум төгрөгийн гурван хувийн хүүтэй зээлийг махны нөөц бүрдүүлэхэд зарцуулахаар УИХ баталсан. Хэдийгээр гурван хувийн хүүтэй зээл олгох байсан ч 50 тэрбум төгрөгийг 12 ААН авч, мах бэлдсэн. Шалтгаан нь ААН-үүд нөөцийн мах бэлдээд ханшийн зөрүүгээс үүдэн алдагдалд орсон.
Цаашид ХХААХҮЯ махны нөөцийг бүрдүүлэхгүй. Энэ асуудлыг аймаг, нийслэлийн байгууллага хариуцах ёстой. Худалдаа, зоорь, агуулах бүгд нийслэлд байдаг" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
