Хүйтний улирал эхэлснээс хойш толгойтой бүхэн нь “НИЙТИЙН ТЭЭВЭР”-ээ шүүмжилсээр байна. Ингэхээс ч өөр аргагүй. Удаан хүлээгддэг, хүйтэн, аюулгүй байдал хангаагүй гээд шалтаг олон. “ҮНЭ ДАГАЖ ЧАНАР” гэдэг.
Нийслэлийн нийтийн тээвэр 2014 оноос хойш 10-аад жил 500 төгрөгийн тарифаар үйлчилж байна. Хот орчмын зарим чиглэлд 600-900 төгрөгөөр үйлчилдэг. Гэвч зохих журмын дагуу картаа уншуулж, төлбөрөө төлдөг хүн ховор. Автобусанд суугаад ажиглахад, 10 хүний 8 нь төлбөрөө төлсөнгүй.
Өөрөөр хэлбэл, “ГЭРТЭЭ ОРЖ БАЙГАА ЯНЗТАЙ” гараа халаасандаа хийгээд явчихав. Зарим нь жолоочид дутуу, хагас бэлэн мөнгө өгчих юм.
Иргэд бид “САЙХАН” нийтийн тээврээр зорчмоор байгаа бол ядаж өөрсдөөс шалтгаалах төлбөрөө “ХЭЛ АМ”-гүй төлдөг баймаар байна. Ирэх зургадугаар сарын 1-нээс ИРГЭН ТА зорчих зайнаасаа хамаарч нийтийн тээвэрт 500-1500 төгрөг төлдөг болно. Зарим иргэд үүнийг эсэргүүцэж, “ЯДАРСАН иргэдэд АЧАА НЭМЛЭЭ” хэмээж байна. Бид автобусанд суухдаа ядарсан иргэн болчихоод, архидаж шоудахдаа яагаад гэнэт БАЯН болчихдог юм бол...
Энэ асуултын хариуг уншигч танд үлдээе.
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
