ХӨСҮТ-өөс томуу, томуу төст өвчний нөхцөл байдлын талаар мэдээлэл өглөө.
ХӨСҮТ-ийн Тандалт судалгаа эрхэлсэн дэд захирал Ж.Байгалмаа "Энэ сарын 9-ний байдлаар улсын хэмжээнд томуу, томуу төст өвчний дэгдэлт "Улбар шар" түвшинд хүрсэн. Сүүлийн гурван долоо хоногт тогтвортой нэмэгдэж байна.
Томуугийн өвчлөлд давамгайлж буй вирус нь В, А, H1N1. А хүрээний вирус илүү голлож байна. Эмнэлэгт хэвтэн эмчлүүлж байгаа иргэдийн 30 хувь нь амьсгалын замын цочмог хүнд халдварын шалтгаантай байгаа нь өнгөрсөн долоо хоногийнхоос зургаан хувиар өссөн үзүүлэлт юм.
Яаралтай тусламжийн тасагт үйлчлүүлж байгаа хүүхдүүдийн 72 хувь, хүүхдийн тасагт хэвтэн эмчлүүлж байгаа хүүхдүүдийн 85, сэхээнд байгаа хүүхдүүдийн 76 хувь нь амьсгалын замын цочмог хүнд халдвартай байна. Эмнэлгийн орны хувьд 619 орыг нэмэлтээр дэлгэсэн. Үүнээс 407 нь Улаанбаатарт, 212 нь орон нутагт байна" гэсэн юм.
Түүнчлэн, ХӨСҮТ-д 211 хүүхэд томуу, томуу төст өвчнөөр хэвтэн эмчлүүлж байна. Биеийн байдлаар нь авч үзвэл 7 хувь нь хүнд, 30 хувь нь дунд, 60 хувь нь хүндэвтэр байгаа аж.
Like
0
Зөв
0
0
Буруу
0
Воов
0
Уйтгартай
0
Дуртай
Гол шалтгаан нь өвөл боллоо утаанаас л үйлдэлтэй энэ утаан дунд олон жилийн давтамжтай амьдраад байхаар чинь хүүхэд, эмэгтэйчүүд архаг өвчинтэй болжий ш дээ бас идэж байгаа хоол хүнс нь ямар ч чанаргүй хятадаас оруулж ирж байгаа хүнс,ногоонуудаас аажмаар хордож байна. Ямар ч улсын аюулгүйн бодлого гэж байхгүй энэ УИХ-ын гишүүд Монголоо гэсэн сэтгэлгүй ард иргэдээ хөсөр хаячихсан одоо яндаа ард үлдэх үр хүүхдүүд залуус маань л хэцүүхэн амьдрал хүлээж байна гэхээр үнэхээр харамсалтай юм..
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
