ЦЕГ-аас өнөөдөр /2022.01.10/ УБТЗ-ын Тээвэр зохион байгуулалтын газрын орлогч дарга С.Батдөлтэй холбоотой асуудлаар мэдээлэл өгч, дүрс бичлэгийг нийтэд дэлгэв.
ЦЕГ-ын Эрүүгийн цагдаагийн албаны Эдийн засгийн гэмт хэрэгтэй тэмцэх газрын дарга, цагдаагийн дэд хурандаа Б.Ганчулуун "АТГ, цагдаагийн байгууллагын ажлын хэсгээс энэ сарын 5-нд Эрүүгийн хэрэг хянан шийдвэрлэх тухай хуульд заасан үндэслэл, журмын дагуу хойшлуулшгүй ажиллагаа явуулж, нэгжлэгээр яллагдагч Б-ийн болон хамаарал бүхий этгээдүүдийн гэрээс 7.3 тэрбум төгрөгтэй тэнцэх хэмжээний дөрвөн төрлийн валютыг бэлнээр хураан авсан.
Мөн зургаан үл хөдлөхийн гэрчилгээ болон бусад эд зүйлсийг хураан авсан. Хэргийн холбогдогч Б-д Эрүүгийн хэрэг хянан шийдвэрлэх тухай хуулийн 18.6 мөнгө угаах, 18.3 татвар төлөхөөс зайлсхийх, 22.10 үндэслэлгүйгээр хөрөнгөжих, 22.4 /хахууль авах/ гэсэн зүйл ангиар шалгалтын ажиллагааг явуулж байна.
Цаашид хамтарсан ажлын хэсэг хуулийн дагуу хэргийг шуурхай шийдвэрлэхээр прокурорын хяналт дор ажиллаж байна" гэсэн юм.
Like
0
Зөв
0
8
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
