Нийслэлчүүдэд тулгамдсан асуудлуудын нэг нь НИЙТИЙН ТЭЭВЭР гэдэгтэй дийлэнх иргэд санал нийлэх биз ээ...
Цонх цанатдаг, хүйтэн, удаан хүлээгддэг, бохир, шатдаг гэсэн олон шалтгаан үүнийг нотолно. "Нийслэлийн хэмжээнд багадаа 1400 гаруй автобус үйлчилгээнд явж байж, хэвийн хэмжээнд хүрнэ" гэж НЗДТГ-аас мэдээлсэн. Харин өнөөдрийн байдлаар 900 орчим тээврийн хэрэгсэл явж байгаагийн ТАЛААС ИЛҮҮ хувь нь ашиглалтын хугацаа дууссан буюу 2009-2010 онд үйлдвэрлэсэн байна. Өөрөөр хэлбэл, нийтийн тээврийн ашиглалтын хугацаа үйлдвэрлэгдсэн оноос хойш 12 жил байдаг аж.
Парк шинчлэлийн хүрээнд өнгөрсөн сард 100 гаруй шинэ автобус ирж, үйлчилгээнд гарч эхэлсэн бөгөөд энэ сард мөн хэмжээний автобусыг нэмж үйлчилгээнд гаргахаар төлөвлөөд буй. Ингэснээр дээрх 2009-2010 онд үйлдвэрлэсэн автобуснуудыг үе шаттайгаар үйлчилгээнээс хасах юм байна.
Гэхдээ шинээр ирэх автобуснуудыг "ХУУЧИН ХЭД" нь хүлээж барахгүй нь бололтой. Хамгийн сүүлийн жишээ гэхэд л өчигдөр /2022.02.02/ ХУД, Яармагийн замд "Эрдэм транс" ХХК-ийн "Яармаг-Баянхошуу" чиглэлийн автобус шатсан. Үүнээс 10-аад хоногийн өмнө "Тэнүүн-Огоо" ХХК-ийн автобус БЗД, Зүүн 4 замын уулзварт шатсан билээ. Дээрх 2 автобус 2009 онд үйлдвэрлэсэн буюу ашиглалтын хугацаа нь хэдийнэ дууссан байжээ.
Үе үеийн Хотын дарга нар аа!!! Цаг тухайд нь "ПАРК ШИНЭЧЛЭЛ" хийж байсан бол нийтийн тээврийн нуруун дээрх АЧАА хөнгөрөх байсан болов уу...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
