Нүүрсний хулгайн хэрэгт нэр холбогдсон УИХ-ын гишүүдийг яллагдагчаар татан, шалгаж эхлээд байгаа билээ. Тэгвэл УИХ-ын гишүүн Д.Бат-Эрдэнийг Цагдаагийн байгууллагаас эрэн сурвалжилж эхэлжээ.
Түүнийг Өмнөговь аймагт үйл ажиллагаа явуулдаг “Тавантолгой” ХК-ийн дотоод хэрэгцээнд гаргах нүүрсийг БНХАУ руу гаргахдаа тонн тутмаас 60 орчим ам.доллар завшиж, улсын өмчийг үнэгүйдүүлж, мөнгө угаасан байж болзошгүй хэргээр Улсын мөрдөн байцаах албанаас шалгаж байгаа аж.
УИХ-ын гишүүн Б.Энхбаяр “Д.Бат-Эрдэнэ 2017 оны тавдугаар сарын 22-ноос зургаадугаар сарын 22-ны хооронд Орон нутгийн таван толгойн үйл ажиллагааг бүрэн зогсоож ямар ч хамгаалалтгүй болгоод 220 мянган тонн нүүрсийг сарын дотор Хятад руу зөөсөн. Тэр 220 мянган тонн нүүрсийг хэрхэн зөөсөн бэ гэвэл, Гашуунсухайт авто замын шалган нэвтрүүлэх товчоогоор түүний мөргөцгөөс нүүрс ачиж гарсан машинуудын тоо тодорхой болсон. Түүний хамаарал бүхий компаниуд оройны 18:00 цагаас өглөөний 06:00 цаг хүртэл хулгайн нүүрс ачсан байдаг” гэх мэдээллийг олон нийтэд өгч байв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
