30 жилийн настай Үндсэн хуульд нэмэлт өөрчлөлт оруулж илүү сайжруулах цаг нь болсон. Үндсэн хуультай зэрэг төрсөн хүүхэд өнөөдөр 30 настай нийгмийн идэвхтэй бүлэг болчхоод байгаа нь энэ хуульд нэмэлт оруулах захиалах гэсэн нэг утга юм. Ээлжит бус сонгууль явуулж сонгуулийн холимог өгөгдсөн, пропорциональ тогтолцоог туршаад үзэх хэрэгтэй гэдгийг Үндсэн хууль судлаач, хуульчид нэг бус удаа хэлээд байгаа.
Сонгуулийн тогтолцооны өөрчлөлт нь улс төрийн намуудад төлөвшил тогтоохоосоо илүүтэй хувь хүний төлөвшлийг бий болгож хариуцлагатай, ёс зүйтэй байлгана. Олон түмэнд хүлээн зөвшөөрөгдөөгүй, санал аваагүй хүн парламентын гишүүн болж байгаа тогтолцооны энэ алдааг засах арга бол нээлттэй пропорциональ сонгуулийн систем юм.
Төрийн үйл хэрэгт залуусын төлөөлөл дутагдаж байна гэдэг. Залуусын байр суурь, оролцоо, төлөөллийг нэмэгдүүлэхийн тулд өнөөдөр ҮХНӨ-ийг хийж сонгуулийн системийг шинэчлэх ёстой. Залуус гадагшаа олноор явж байгаагийн цаад шалтгаан нь төрд залуусын оролцоо, төлөөлөл орох эрх зүйн орчин хязгаарлагдмал байгаатай холбоотой. Тогтолцоог өөрчилж чадвал багш, эмч, малчин, барилгачин, уурхайчин гээд бүх салбар, нийгмийн бүх давхарга дахь залуусын төлөөлөл төрийн үйл хэрэгт оролцох боломж бүрдэнэ.
Үндсэн хуулийн энэхүү нэмэлт өөрчлөлтийн үр дүнд хамгийн гол нь “Илүү мөнгөтэй нь бус, Илүү бодлого барьсан хүн, Илүү бодлогоор нэгдэж чадсан нам сонгогддог болно”. Энэ бол төрийн алдагдсан дархлаа сэргэх гарц.
Like
0
Зөв
1
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
