"Монгол Улсад гэмт хэрэгт шалгагдах явцдаа АНУ-д очоод эргэж ирээгүй хүмүүс бий. Эдгээрийг авч ирэх "шувуу" ажиллагааг явуулна" хэмээн ХЗДХ-ийн сайд Х.Нямбаатар мэдэгдлээ. Энэ тухай "Монгол Улс дэлхийн 23 улстай 36 төрлийн эрх зүйн талаар харилцан туслалцах гэрээ бий.
Эрх зүйн талаар харилцан туслалцах гэрээ нь эрүүгийн болон иргэний хэрэгт харилцан туслалцах, ялтан шилжүүлэх, шүүх, арбитрын шийдвэрийг харилцан хүлээн зөвшөөрөх зэрэг төрөлтэй.
Монгол Улс авлигын эсрэг олон улсын конвенцод нэгдсэн, интерполын гишүүн улсын хувьд эрх зүйн талаар харилцан туслалцах гэрээ байгуулж амжаагүй улс орнуудтай тухайн улсад орогнож байгаа, эрүүгийн хэрэгт шалгагдаж байх хугацаандаа оргон зайлсан хүмүүсийг шилжүүлэн авч ирэхэд хамтран ажиллах бүх талын арга хэмжээг эхлүүлсэн.
Интерполын гишүүн орны хувьд харилцан хүлээсэн үүргийнхээ хүрээнд оргон зугтсан хүмүүсийг шилжүүлэн авах хүсэлтийг өгнө. Энэ нь авлигын эсрэг шувуу ажиллагаа" гэв.
Like
2
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
