Хот хариуцсан сайд, Түгжрэлийг бууруулах үндэсний хорооны дарга Ж.Сүхбаатар, УИХ-ын гишүүн Б.Энхбаяр болон ТЦА, ЗХУТ, НЗДТГ-ын төлөөлөл "Дүнжингарав" худалдааны төвд ажиллалаа.
Учир нь сар шинийн баяртай холбогдуулан тус төвийг чиглэх тээврийн хэрэгслийн хөдөлгөөн эрс ихсэж байгаа юм. Ойролцоох замын хөдөлгөөний ачааллыг бууруулах зорилгоор тус төвийн орох, гарах гарцыг нэмж, тэмдэг тэмдэглэгээ, хашаа хайс бий болгох шаардлагатайг талууд хэлэлцлээ.
Энэ үеэр Ж.Сүхбаатар "Намайг сайдаар томилогдсоноос сарын дараа иргэдээс санал ирсэн. "Дүнжингарав"-ын ойролцоох замын хөдөлгөөнийг зохицуулж, орц гарцыг нь ядаж л "Нарантуул" шиг болгож өгөөч" гэх санал, шаардлагыг ирүүлсэн. Сарын өмнө өөрийнхөө Ажлын албаны хүмүүсийг тус төвийн удирдлагуудтай уулзаж, өөрсдийн санаачлагаар ажиллах үүрэг өгсөн. Харамсалтай нь дорвитой ажил хийгээгүй учраас тойргоос сонгогдсон гишүүн болон холбогдох хүмүүсийн хамт өөрийн биеэр ирлээ. Ганц "Дүнжингарав" гэлтгүй нийслэлийн төв хэсэгт 25 орчим зах, худалдааны төв ажиллаж байна. Тэд төрийг хүлээж, мань мэтийг "юм хийсэнгүй" гэх хэрэггүй. Өөрсдөө санаачлагаараа ойр орчимдоо анхаарах хэрэгтэй" гэсэн юм.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
