Хоёр, бараг гурав ч хуваагдаад буй АН-ын даргыг бүртгэх ажил Улсын Дээд шүүхэд оногдоод байв. Тэгвэл өчигдөр /2023.02.09/ Дээд шүүх Лу.Гантөмөрийг АН-ын даргаар бүртгэсэн юм.
Өнгөрсөн сард болсон АН-ын ҮБХ-ны хурлаар олонхын буюу 152 саналыг Лу.Гантөмөр авч, түүнийг даргаар сонгосон билээ. Харин эсрэг талд С.Эрдэний гэх АН-д цахим санал хураалт болж, Д.Ганбат сонгож, “ЖААЗ”-тай батламж олгосон.
Өчигдөр Дээд шүүх шийдвэрээ гаргасны дараа Цахиур.мн сайт С.Эрдэнээс тодруулахад, тэрбээр “Лу.Гантөмөрийг хаанаас, хэн сонгосон юм бэ. Хаанахын ҮБХ-ны хурал юм? Би лав тамгаа өгөхгүй” хэмээн байр сууриа товч илэрхийлэв. С.Эрдэнийн хувьд “ТАМГА”-аа өмхийртөл нь дардгаараа алдартай нэгэн билээ. Х.Баттулгыг АН-ын даргаар сонгоход ч “Энэ чинь миний чихэр” гээд чихрээ харамладаг хүүхэд шиг аашилсан. Энэ удаа ч зангаа хаясангүй.
Тэгвэл АН-ын Ерөнхий нарийн бичгийн дарга Ч.Өнөрбаяр “Дээд шүүх зөвшөөрсөн юм чинь С.Эрдэнэ тамгаа өгөхгүй байсан ч шинээр хийлгэчихнэ. Асуудалгүй” гэв.
Харин Д.Ганбат юуны ч дарга болсонгүй, батламжаа ТЭВРЭЭД хоцров бололтой. Учраа олохоо байтал “ТОЛГОЙ НЬ ЭРГЭСЭН” АН-ын даргыг бүхэл бүтэн Улсын Дээд шүүх бүртгэчхээд байхад, тамгаа булаацалдаж суудаг энэ намд хэзээ “САЛХИ” орно доо...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
