2011 оноос Монголд үйл ажиллагаа явуулж эхэлсэн “Камминс Монголиа Инвестмент” ХХК-ийн гүйцэтгэх захирал Антони Давид Браун тэргүүтэй төлөөлөгчид өнөөдөр “Эрдэнэт үйлдвэр” ТӨҮГ-т зочилж, Ерөнхий инженер Т.Батмөнх, Тамгын газрын дарга Д.Үүрийнтуяа нартай өндөр хүчин чадалтай тоног төхөөрөмжийн засвар үйлчилгээ, сэлбэг хэрэгслийн ханган нийлүүлэлтийн чиглэлд хамтран ажиллах талаар санал солилцлоо.
Тус компанийнхан Монголд үйл ажиллагаа явуулах албан ёсны зөвшөөрөлтэй цорын ганц аж ахуйн нэгж гэдгээ онцлоод, хуурамч сэлбэг хэрэгсэл худалдан авч томоохон эвдрэл гэмтэл, эрсдэл үүрэхгүйн тулд юуг анхаарах, цаашид шаардлагатай сэлбэг хэрэгслийн нөөц бүрдүүлэлт, ханган нийлүүлэлтэд тулгамдаж буй асуудлын талаар ярилцсан юм.
“Камминс Монголиа Инвестмент” компани Эрдэнэт үйлдвэрийн технологийн тээвэрт ашиглагдаж буй БалАЗ маркийн өөрөө буулгагч автомашины тоног төхөөрөмж, сэлбэг хэрэгсэл болон тос, тосолгооны материал, хөргүүрийн шингэн, шүүр нийлүүлэх чиглэлийн хамтын ажиллагаагаа урт хугацаанд үргэлжлүүлэх сонирхолтой байгаагаа илэрхийлсэн. Харин Эрдэнэт үйлдвэрийн удирдлагууд нээлттэй тендер шалгаруулалтад идэвхтэй оролцож, чанарын баталгаатай сэлбэг хэрэгсэл, тос тосолгооны материал нийлүүлэх хамтын ажиллагаагаа өргөжүүлэхэд санаачилгатай ажиллахыг хүссэн юм.
“Камминс Монголиа Инвестмент” ХХК 2021 онд 19 сая, 2022 онд 24 сая ам.долларын борлуулалтын орлоготой ажилласан бол энэ онд борлуулалтын орлогоо 29 сая ам.долларт хүргэхээр зорьж байгаагаа энэ үеэр танилцууллаа.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
