Б.Баярсайхан, Ц.Цэрэнпунцаг нар МУУДАЛЦАЖ, аймгийн Засаг даргаа БУЛААЦАЛДАВ

Админ

2023-02-27

АН хагарсан бол МАН ч сайнгүй байна. Учир нь Завхан аймгаас УИХ-д суудал авсан Ц.Цэрэнпунцаг, Б.Баярсайхан нар зөрчилдөж, аймгийн Засаг даргаа булаацалдаж эхэлсэн бололтой. Тодруулбал,

энэ пүрэв гараг /2023.03.02/-т аймгийн ИТХ хуралдаж, Засаг дарга Д.Түвшинжаргалыг чөлөөлөх асуудлыг хэлэлцэхээр болжээ.

Д.Түвшинжаргал нь Ц.Цэрэнпунцагийн талын хүн гэх бөгөөд УИХ-ын хоёр гишүүн "түнжин" муудсанаар аймгийн Засаг дарга "Хаданд хавчуулагдсан халиуны зулзага" мэт боллоо. Б.Баярсайхан гишүүний хувьд Д.Түвшинжаргалыг "ажлаа хийдэггүй" хэмээн голдог аж. Засаг даргыг огцруулах асуудал өнөөдөр ч биш, өнгөрсөн онд хөндөгдөж, Завхан аймгийн МАН-ын бүлгээс хэвлэлийн хурал ч хийж байжээ.

Аймгуудын өрсөлдөх чадварын судалгаагаар 2022 онд сүүлээсээ "хоёр"-т жагссан аймгийн удирдлагын суудал ч "ганхаж" байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.