“НҮҮРСНИЙ ХУЛГАЙ”-н хэрэг илэрч, “Эрдэнэс Тавантолгой” болон “Тавантолгой” ХК-д Засгийн газраас Онцгой бүрэн эрхт төлөөлөгч томилсон билээ. Үүний нэг нь “Тавантолгой” ХК-ийн Бүрэн эрхт төлөөлөгч П.Сайнзориг юм. Тэрбээр цаг үеийн зарим асуудалд тайлбар мэдээлэл өглөө.
Ингэхдээ “Би ажил авснаас хойш тодорхой хэмжээний бүтцийн өөрчлөлт хийсэн. Тус компанид Төрийн хэмнэлтийн хууль зөрчигдөж, дэд захирлуудтай ажиллаж байсан. Хууль баталсан учраас өөрчлөлт оруулж, Судалгаа төлөвлөлтийн хэлтсийг байгууллаа.
Түүнчлэн, ТУЗ-өөр бизнес төлөвлөгөөнөөс болон өмнөх жилийн санхүүгийн тайланг хэлэлцүүллээ. Бүх ажлыг Тендерийн тухай хуулийн дагуу явуулах шаардлагатай. Тавантолгой ХК-д өмнө нь энэ зохицуулалт алдагдсан байсныг илрүүлсэн. Тиймээс өнөөдрийн байдлаар зөвхөн уулын ажил буюу хөрс хуулалтын ажил үргэлжилж байна.
Өөрөөр хэлбэл, борлуулах нүүрсээ ангилан овоолго хийж байна. Худалдан авах ажиллагааны газраас манай байгууллагын тээврийн тендерийг өнөө, маргаашгүй зарлана. Тэгэхээр цахим биржээр нүүрсээ борлуулах бэлтгэлээ бүрэн хангагдах юм.
Цахим бирж буюу үнэ хаялцуулан борлуулахад уурхайн амны үнэ болох 100 ам.доллараас 173.3 ам.долларт хүргэн өсгөж зарсан. “Эрдэнэс Тавантолгой” ХХК-ийн хувьд нүүрсний үнийг 73 хувиар өсгөсөн” гэв.
Мөн “Тавантолгой” ХК хувьцаа эзэмшигчиддээ ногдол ашиг тараахаар болсон билээ. Энэ тухайд “Тус компанийн ашиг өнгөрсөн жилийн эцэст 289 тэрбумд хүрсэн. БЭТ томилогдсоноос хойш 21 хоногт жилийн борлуулалтын орлогын 16 орчим хувийг хийсэн. Өнгөрсөн жил тээвэрлэлтийн асуудал нааштай байсан учраас компани өндөр ашигтай ажилласан” хэмээн онцоллоо.
Мэдээллийн явцад түүнээс “Тавантолгой” ХК-д санхүүгийн ямар нэг зөрчил илэрсэн эсэхийг тодруулахад “Санхүүгийн анхан шатны баримтууд бараг байхгүйтэй адилхан, иймэрхүү нөхцөл байдалтай байсан. Холбогдох архив, бичиг баримтын бүрдэл хагас дутуу. Зарим хүмүүс нь “Уулын албанд тогтвор суурьшилтай ажиллах нөхцөл хомс учир ажил хүлээлцэхэд бүх бичиг баримт алга болсон” л гэж байгаа юм. Маркшейдер болон нүүрсний хэмжилтийн бичиг баримтууд байхгүй гэх мэт хардлага үүсэх хүчин зүйлүүд байна.
Тодорхой нөлөө бүхий хувьцаа эзэмшигчдийн компаниудтай худалдаа арилжаа хийдэг байсан. Санхүүгийн тайланд маш их хэмжээний засварууд, андуурсан гүйлгээ, илүү төлөлт, буцаан олголт гэх мэт зүйлүүд нь хардлага дагуулж байгаа юм.
Анх ажил хүлээн авч байхад “Манайх 180 тэрбумын ашигтай гардаг” гэсэн мэдээллийг ерөнхий нягтлан өгч байв. Бид санхүүгийн шинэ баг гарган тооцоо хийхэд нэлээд өндөр үзүүлэлттэй гарсан. Он гарч татвар төлбөрүүдээ төлсөн боловч түүхэндээ хамгийн өндөр дүнтэй ногдол ашиг хуваарилах шийдвэрийг ТУЗ-өөс гаргалаа. 2022 оны арванхоёрдугаар сарын 9-ний өдөр намайг БЭТ-өөр томилогдох үед Хөрөнгийн биржид нэгж хувьцаа 8200 төгрөгийн үнэтэй байсан. Хувьцаа оргил үедээ 16200 төгрөг хүртэл буурсан” гэлээ
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
