Энэ жил Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102, Засагт хан аймгийн 465, Хантайшир уулын аймгийн 100 жилийн ой тохиож байна. Энэ жил таван аймгийн 100 жилийн ой тохиож буйтай холбогдуулан зургадугаар сарын 7-ны Засгийн газрын хуралдаанаас тогтоол гаргасан. Ингэхдээ 100 жил нь тохиож буй Архангай, Хэнтий, Төв аймаг болон Говь-Алтай аймгийн тэгш ойгоо тэмдэглэн өнгөрүүлэх товыг тогтоосон юм. Үүний дагуу Говь-Алтай аймгийн тэгш ой наймдугаар сарын 1,2-нд болно.
Говь-Алтай аймгийнхан 100 жилийн ойгоо угтан, бүтээн байгуулалтын олон ажил хийжээ. Тухайлбал, бүх сумаа инженерийн дэд бүтэц бүхий халаалттай болгосон бөгөөд хүүхдийн сурч боловсрох орчин бүрдүүлсэн “Ид шидийн орон” бүтээн байгуулалтын ажлыг хийж гүйцэтгэсэн байна.
Үүний зэрэгцээ 100 хүүхдийн дотуур байрыг шинээр барьж байгуулжээ. Мөн хатуу хучилттай авто замуудыг шинээр тавьсан байна. Говь-Алтай аймгийн Дэлгэр, Наран, Түмэн, Есөнбулаг сумаас Жангар туулийн дөрвөн эх гар бичмэл олдсон байдаг. Мөн Алтайн нурууны 13 ноён оргилын Бурхан буудай уул Жангар туульд дурдагддаг гээд олон зүйлээр Жангар тууль Говь-Алтай аймагтай холбогддог. Энэ ч утгаараа 100 жилийн ойн үеэр туульч Цагаанзам Жангар туулийг хайлахаар болжээ.
Говь-Алтай аймгийн нэршлийн түүхийн тухайд 1923 онд Хан Тайшир уулын аймаг, 1931 онд Алтай, 1940 онд өнөөгийн Говь-Алтай аймаг хэмээн нэрийдэж иржээ. Монгол Улсад Ардын засаг тогтоход Халхын дөрвөн хошууны нэрийг сольж, засаг, захиргааны зохион байгуулалт хийсэн байдаг. Ингэхдээ хошуу аймгийг үе залгамжилсан байдлаар удирдахаас илүү ардчилсан байдлаар сонгодог системийг бий болгосон байна.
Ингээд тухайн аймгийн шүтээн уулын нэрээр Хан Тайшир, Богдхан, Цэцэрлэгмандал, Хан хэнтийн уулын аймаг хэмээн халхын дөрвөн аймгийг нэрлэжээ. Ийнхүү нэрийдэн тогтсон Хан Тайшир уулын аймаг үүсэн байгуулагдсаныхаа 100 жилийн ойг энэ жил тэмдэглэх юм.
100 жилийн ойн арга хэмжээндээ Монгол Улс төдийгүй дэлхийн олон улс оронд ажиллаж амьдарч буй Говь-Алтай аймгийн нийт иргэдээ хүндэтгэн урьж байна.
Like
0
Зөв
0
0
Буруу
0
Воов
0
Уйтгартай
0
Дуртай
Govi Altain sairan hatsartuud yu hiij chadah ve dee zailuul .shaadag gar ve .Boh hurd muutai iljgen halhuudiin Naadamiig iljgen halhuud ovog tov Halhiin boh avaasai daa.
Худлаа шаах юмаа юун бүх сумын халаалт бэ юу ч хийгдээгүй замаа ч засаагүй байж.хийсэн дүр эсгээд сумдуудад ажиллахгүй доголдолтой юм хийсэн болоод л мөнгө цохих гэж байгаа биз.500 сая төсөвтэй байлаа гэхэд суманд 100 саяыг зарцуулбал их юм мэогэжлийн ичихгүй хулгайчууд говьалтайд бна.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
