Говь-Алтай аймгийн ИТХ-ын VI дугаар хуралдаан боллоо. Аймгийн ИТХ-ын төлөөлөгч Б.Цэдэвсүрэн хуралдаанаар хэлэлцсэн асуудал болон цаг үеийн асуудлаар байр сууриа илэрхийлж, зарим ажлыг яаралтай шийдэж, арга хэмжээ авахыг хүслээ.
Б.Цэдэвсүрэн: Аймгийн талын айл өрхүүдийг цахилгаан эрчим хүчээр хангах зорилгоор 0.4 кВ-ын ЦДАШ-ийг барьж байгуулах 1.4 тэрбум төгрөгийн төсөв батлагдсан. Гэвч энэхүү ажлыг цаг алдалгүй хэрэгжүүлэхгүй, тодорхой шийдэлгүй орхигдуулах, авчаад хаячих нөхцөл байдал үүсэх вий гэсэн болгоомжлол байгааг хэлээд хяналт, хэрэгжилтэд онцгой анхаарах шаардлагатайг онцлов.
Түүнчлэн аймгийн төвийн авто замын эвдрэл, цөмрөл, шороон замын байдал нь тухайн бүсэд оршин суугаа олон айл өрхийн өдөр тутмын амьдрал, хөдөлгөөнд сөрөг нөлөө үзүүлж байна.
Иймд замын нөхцөл байдлыг сайжруулах, хучилт хийх, засварын ажлыг нэн даруй зохион байгуулах шаардлагатай гэв.
Тайшир сумын нутаг дахь Мөрөнгийн хөв цөөрмийн усны шуудуу нь шүүрдэлт ихтэй, улмаар ус нь газарт шурган, хадлан тэжээл бэлтгэх малчдын үйл ажиллагаанд хүндрэл учруулж байгаа тухай санал гаргав. Үүнийг шийдвэрлэх зорилгоор уг шуудууг бетонон хучилттай эсвэл ган хоолойгоор хийх шийдлийг тусгаж, төсөв санхүүг шийдвэрлэж өгөхийг хүсэв.
Сүүлийн өдрүүдэд үргэлжилсэн бороо, үерийн улмаас аймгийн талын бүсийн айл өрхийн хаягдал, бохир ус төвийн шугам сүлжээнд холилдож, ариун цэвэр, нийтийн эрүүл мэндэд ноцтой эрсдэл үүсээд байна.
Тэр дундаа халдварт өвчин дэгдэх нөхцөл бүрдсэн тул яаралтай, өргөн хүрээтэй ариутгал, халдваргүйжүүлэлтийн ажлыг зохион байгуулах, мэргэжлийн байгууллагуудаас арга хэмжээ авах шаардлагатай байгааг санал гаргаж, яаралтай арга хэмжээг авахыг хүслээ.
Like
3
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
