“Төр” агентлагийн бүтээл “ЭЭЖ” цуврал контентийн 2022 оны зочин оролцогч, Ардын Их Хурлын депутат асан, Монгол Улсын аварга малчин Д.Цогзолын хөдөө аж ахуйн салбарт оруулсан хувь нэмэр, олон жилийн хичээл зүтгэлийг үнэлж, Хантайшир уулын аймгийн 100 жилийн ой, Говь-Алтай аймгийн баяр наадмыг тохиолдуулан төрийн дээд шагнал “Хөдөлмөрийн гавьяаны улаан тугийн одон”-гоор шагналаа.
Д.Цогзол нь Говь-Алтай аймгийн Тайшир сумын “Туяа”, “Сүхбаатарын зам” нэгдэлд малчнаар ажиллах хугацаандаа сумын аваргаар дөрвөн удаа, аймгийн аваргаар хоёр удаа шалгарч, 1991 онд Монгол Улсын аварга малчин цол хүртэж, говийн нөхцөлд мал маллах арга туршлага нь төв, орон нутгийн хэвлэлд нийтлэгдэж байжээ.
Түүний хань Я.Содномбалжир нь БНМАУ-ын аварга малчны болзолыг 1964, 1976 онд хангаж, МАХН-ын XVII их хурал, “Мал маллах сайхан” улсын зөвлөгөөнд төлөөлөгчөөр оролцож байсан Говь-Алтай аймгаас төрөн гарсан улсын хошой аварга малчдын анхдагч юм.
Я.Содномбалжир, Д.Цогзол нар нутаг усандаа “Нэг гэрийн хоёр аварга” гэж алдаршсан ажээ.
Like
4
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
