Говь-Алтай аймгийн Тонхил сумын малчин Төвдийн Мөнхбаатар Монгол Улсын Ерөнхийлөгчийн зарлигаар Төрийн дээд шагнал “АЛТАН ГАДАС” одон хүртлээ. Шагналыг аймгийн Иргэдийн төлөөлөгчдийн хурлын төлөөлөгч Т.Рэнцэнпүрэв гардуулан өгч, баяр хүргэлээ.
Төвдийн Мөнхбаатар нь 1964 онд ард Төвдийн хүү болон мэндэлсэн бөгөөд бага наснаасаа мал маллах арга ухаанд суралцан, буянт мал сүргээ өсгөн, үржүүлж, малын ашиг шимээ хүртэн, буурлын удмыг залгамжлан яваа хөдөлмөрч, хашир туршлагатай, хичээнгүй ахмад малчин юм.
Эргэх дөрвөн цагийн аясаар бэлчээрийн шим даган эрдэнэт мал сүргээ тэгш дүүрэн өсгөн яваа Т.Мөнхбаатарынх малын үүлдэр угсааг нь сайжруулах, нэг малаас авах ашиг шимийг нэмэгдүүлэхэд байнга анхаарч, малын тарга хүч, малчны ажилсаг чанарыг шалгах байгалийн гамшиг, зудыг өнтэй давсаар иржээ.
Уламжлалт мал маллагааны нандин өв, ухаан, арга туршлагаа бусдадаа хуваалцаж, аймаг, сум, хөдөө аж ахуйн хөгжилд өөрийн хувь нэмрээ оруулан, бусдад үлгэр дуурайлал болж яваа эрхэм Т.Мөнхбаатар танд сайн сайхныг хүсье.
Төр.мн
Like
5
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
