Хүүхдийн спорт сургалтын төв барих, аймгийн нэгдсэн эмнэлгийн нярайн эрчимт эмчилгээний тасагт нярайн амьсгалын аппарат хандивлах “Сэтгэлийн хүчээ ирээдүйд” төслийг Говь-Алтай аймгийн “Хантайшир” бөхийн дэвжээ, “Ирээдүй Алтай” холбооны залуус санаачлан, Говь-Алтай аймгийн бөхчүүд, залуучууд, урлагийнхан дэмжин оролцож байна.
Хандивын хүрээнд хийгдэх Хүүхдийн спорт сургалтын төв барих бүтээн байгуулалтын ажил эхэлж зуны дунд сарын шинийн нэгний өдөр Ирээдүй болсон хүүхэд багачуудынхаа төлөө Спорт сургалтын цогцолбор байгуулахаар санаачлан зохион байгуулагч Мэргэжлийн сумогийн 70 дахь их аварга, Хантайшир бөхийн дэвжээний тэргүүн Д.Харумафүжи, Монгол улсын гарьд, Хантайшир бөхийн дэвжээний гүйцэтгэх захирал Н.Ганбаатар, Ирээдүй Алтай ОЗХ-ны тэргүүн М.Өлзийбат нар болон Засаг даргын орлогч Г.Чинбат, Есөнбулаг сумын Засаг дарга Д.Чинзориг, Аймгийн Цагдаагийн газрын дарга хурандаа Н.Эрдэнэ-Очир, Газрын албаны дарга Д.Алтанзагас, Улсын начин С.Буянт болон бусад хүмүүс оролцож шав тавилаа.
Энэхүү спорт сургалтын төвийг есдүгээр сарын 1-нд хүлээлгэж өгөхөөр барилгын ажлаа эхлүүлээд байна. Тус барилгын хувьд 100 хувь Говь-Алтайчуудын хандиваар барьж байна. “Сэтгэлийн хүчээ ирээдүйд” төсөлд Бурхан Буудай групп, Хийморь Гал санхүүгийн нэгдэл, Макс групп, Алтай групп, НТМ компани, Туушин групп, Заг групп, Сайхан төмөрт компани, Төгөлдөр сан, Начин заан, Төрөлх Алтай ТББ, Аймгийн засаг дарга О.Амгаланбаатар, ЗДТГ, УБ хот дахь нутгийн зөвлөл зэрэг нутагт сэтгэлтэй олон хүмүүс хандив өргөж, сэтгэлийн дэм хайрлалаа.
Алтай нутгаас төрөн гарсан нутгаа гэсэн олон хүмүүсийн сэтгэлийн хүчийг нэгтгэж эхлүүлсэн ажлын үр дүнд спортоор дамжуулж эрүүл чийрэг зөв Монгол хүнийг төлөвшүүлэн ирээдүйн Олимп, Дэлхий, Улсын олон аваргууд төрөн гарна гэдэгт итгэлтэй байна.
Сайн үйлс бүхэн дэлгэрэх болтугай.
Like
3
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
