Залуучуудын оролцоотой, тэдний эрх ашгийг хамгаалах чиг үүрэг бүхий төрийн бус байгууллагууд ашгийн төлөө бус нийтэд тустай үйл ажиллагаа явуулахыг “Залуучуудын хөгжлийг дэмжих тухай” хуулиар зөвшөөрч, залуучуудын оролцоог дэмжихийг уриалсан байдаг.
Залуучуудын хөгжил, оролцоог хангах зорилго бүхий “ХЯЗГААРАА ТЭЛ” хөгжлийн форум 2023 оны нэгдүгээр сарын 14-31-ний өдрүүдэд Говь-Алтай аймгийн бүх суманд болно. Уг форумыг Говь-Алтай аймгийн оюутан, залуучуудын “Ирээдүй-Алтай” холбоо санаачилж, Говь-Алтай аймгийн Залуучуудын холбоод хамтран зохион байгуулж байгаа юм. Форум энэ сарын 14-нд Тонхил сумаас эхэлж, нар зөв тойрон үргэлжилсээр 31-нд Шарга суманд өндөрлөнө.
Форумын хүрээнд орон нутагт ажиллаж, амьдарч буй залуус, иргэдийг хувь хүний хөгжил, боловсрол, эрүүл мэнд, хөдөө аж ахуй, зах зээлийн мэдлэг, шинэ сонирхолтой мэдээ, мэдээллээр хангах, хэлэлцүүлэг өрнүүлэх, тэдний санал бодлыг сонсож, бодлого, үйл ажиллагаандаа тусгах зорилтыг зохион байгуулагчид тавьжээ.
Мөн Соёлын тэргүүний ажилтан, дуучин Г.Батсүх, Я.Гэрэлчулуун, Л.Уранболор нар форумд оролцогчдод уран бүтээлээрээ бэлэг барьж, ая дуугаа өргөх юм.
Форумыг санаачлагч “ИРЭЭДҮЙ-АЛТАЙ” холбоо 2003 онд байгуулагдсан бөгөөд энэ жил 20 жилийн ой нь тохиох юм. Тус холбоо өнгөрөгч хугацаанд нутгийнхаа оюутан, залуучуудын хөгжилд чиглэсэн “Одод шүргэх Алтай” урлагийн наадам, Ажлын байрны өдөрлөг, “Good students” оюутны тэтгэлэгт хөтөлбөр, “Цагийн зөрүү” цуврал форум, “Өв дархлаа залуус” соёлын үйл ажиллагаа, Хантайшир бөхийн дэвжээтэй хамтран “Сэтгэлийн хүчээ ирээдүйд” төсөл зэрэг олон ажлыг зохион байгуулж ирсэн юм.
Like
3
Зөв
0
0
Буруу
0
Воов
0
Уйтгартай
2
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
