Улсын Их Хурлын чуулганы нэгдсэн хуралдаанаар яг одоо “Монгол Улсын Ерөнхий сайдад итгэл хүлээлгэх тухай” Улсын Их Хурлын тогтоолын төслийг хэлэлцэж байгаа билээ. УИХ дахь АН-ын бүлгийн гишүүд чуулганы нэгдсэн хуралдааны санал хураалтад оролцохгүй хэмээн мэдэгдсэнтэй холбогдуулан Улсын Их Хурлын Ерөнхий нарийн бичгийн дарга Б.Баасандоржоос тодруулав.
Тэрбээр, Чуулганы нэгдсэн хуралдаанаар Ерөнхий сайдад итгэл үзүүлэх эсэх асуудлыг нууц эсвэл илээр явуулах эсэхийг шийдээгүй байна. Үүнийг чуулганы нэгдсэн хуралдаанд оролцсон гишүүдийн олонх шийднэ. Санал хураалт илээр эсвэл нууцаар явуулбал хоёр өөр дүн гарна. Хэрэв АН-ын бүлгийн гишүүд ил санал хураалтыг орхиж гарвал Ерөнхий сайдад итгэл үзүүлэх асуудлаар эсрэг санал өгсөнд тооцогдоно.
Харин нууцаар санал хураах үед танхимыг орхиж гарсан гишүүдийг эсрэг санал өгсөнд тооцохгүй. Учир нь Монгол Улсын Их Хурлын чуулганы хуралдааны дэгийн тухай хуулийн 10 дугаар зүйлийн 10.11 дэх хэсэгт тодорхой зохицуулсан байдаг.
Хуралдаанд оролцохгүй гэдэг нь энгийн логикоор саналын хуудсыг аваад бөглөөгүй болохоор зөвшөөрсөн, татгалзсан аль ч байдлаар санал өгөөгүй гэсэн үг хэмээх тайлбарыг өглөө.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
