БОАЖ-ын сайд Б.Бат-Эрдэнэ мод тарих, хог цэвэрлэх нэрээр намынхаа залуусын ТББ-уудыг “ТЭТГЭЖЭЭ”

Дуулиан

Байгаль Орчин, Аялал Жуулчлалын Яам

1
1626

БОАЖ-ын сайд Б.Бат-Эрдэнэ мод тарих, хог цэвэрлэх нэрээр намынхаа залуусын ТББ-уудыг “ТЭТГЭЖЭЭ”

Админ I Төр.мн

2022-10-10

Төр хэмнэлтийн горимд шилжиж байхад Байгаль орчин, аялал жуулчлалын сайд хог цэвэрлэх, мод тарих нэрийдлээр ТББ-уудад хэдэн арван саяыг шилжүүлсээр байна. Ингэж шилжүүлэхдээ намынхаа залуусыг “ТЭТГЭСЭН” бөгөөд нэг удирдлага бүхий ТББ-ууд байгаа нь анхаарал татаж байна.

Байгаль орчин, аялал жуулчлалын сайд Б.Бат-Эрдэнэ Оюунлаг залуусын давалгаа ТББ, Дэвшилтэд социал демократ клуб ТББ-уудтай гэрээ байгуулж, тус бүр нь 13.8, 13.5 сая төгрөгийг энэ оны есдүгээр сард шилжүүлсэн байна.

Дэвшилтэд социал демократ клуб ТББ нь Социол демократ улс төрийн үзэл баримтлалыг сурталчлах, таниулах, түүнд чиглэсэн нөлөөллийн ажлыг зохион байгуулж, улс орны социол демократ хөгжлийн загвар гаргахад манлайлан оролцох, нийгэмд социол демократ үзэлтэй залуусыг бэлтгэх зорилготой Төрийн бус байгууллага. Үйл ажиллагааны чиглэл нь улс төрийн үзэл суртлыг сурталчлах, таниулахад чиглэсэн аж. 2022 оны тавдугаар сард Улсын бүртгэлд бүртгүүлж гэрчилгээгээ авчээ.

Удирдах зөвлөлийн дарга нь Үүрцайхын Амарбат бөгөөд тэрбээр МАН-ын хууль, эрхзүйн хэлтсийн даргаар ажилладаг нэгэн.

Харин Оюунлаг залуусын давалгаа ТББ-ын үүсгэн байгуулагч нь Нямдорж овогтой Булгантамир гэх хүн бий бөгөөд тэрбээр Дэвшилтэд социал демократ клуб ТББ-ын удирдах зөвлөлийн гишүүнээр ажилладаг нь УБЕГ-ын хуулийн этгээдийн бүртгэлд илхэн байна.

Нямдорж овогтой Булгантамир нь “Нийгмийн Ардчилал” Монголын Оюутны Холбооны Ерөнхий нарийн бичгийн даргаар ажилласан байсан.

Улс төрийн үзэл баримтлалыг сурталчилдаг төрийн бус байгууллага гэнэт мод тарьдаг болж, хог түүж эхэлсэн нь Байгаль орчин, аялал жуулчлалын сайд Б.Бат-Эрдэнэ тэднийг “ТЭТГЭСЭН”-тэй холбоотой байж таарлаа.

Дэвшилтэд социал демократ клуб ТББ нь одоо Байгаль орчин, аялал жуулчлалын сайд Б.Бат-Эрдэнийг “СУРТАЛЧИЛДАГ” гол хуудас болжээ.

Монгол Улсын ерөнхий сайд Л.Оюун-Эрдэнэ таны хатуу чанд сахилга бат, хариуцлагатай байх тухай хэлсэн үг хатаж амжаагүй байхад Засгийн газрын танхимын сайд чинь намынхаа залуусын төрийн бус байгууллагад давуу эрх олгож, тэтгэж сууна!!! Энэ таны хэлээд буй шударга ёс гэж үү?

Төр.мн

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

З - 3 жил өмнө

хариулах

Яг тэгж таарна сертификат хуушуур тараагаад бсан ганц удаа хаясан хогоо цэвэрлэчих ухамсар бхгүй бас татварын мөнгөөр шоудаж яана даа 24онд эхэн хүчтэнгүүдээ сонгох бхдаа.

ӨМНӨХ МЭДЭЭ

БОАЖ-ын сайд Б.Бат-Эрдэнэ мод тарих, хог цэвэрлэх нэрээр намынхаа залуусын ТББ-уудыг “ТЭТГЭЖЭЭ”

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 1

Онцлох мэдээ

Холбоотой мэдээнүүд